تعبت الله يكون بعون هالقلب وبعوني
تعبت من الوجيه إلي تجي وتروح بسهوله
وانا صعبه اصدق كيف خلوني وباعوني
اقوول احيان معقوله وهي ماهي معقوله
ادور عذرهم واسكت وامشيها على هوني
واقول اخطائهم تغفر وهي بالعمد مفعوله
واقول اهمهم طبعا مثل ماهم يهموني
ياما وقف لهم قلبي وهم مايوم وقفوله
متى ماضاقت بهم الدنيا ذرعا يلاقوني
وهم لاضاقت بي الدنيا الاقي قلوبهم مشغوله
عوايدهم متى ما احتجتهم غابوا وهدوني
ومتى ماحتاجوا القاهم كثر وشفاه معسوله
يلوم الله على طيبة خفوقي من يلوموني
مادام النوايا بيض والامآل مآموله
صبرت اكثر من الازم وقلت إلا يردوني
وهم فعلا يردوني ولكن النفس مقتوله
بعد ماقصروا حتى قبل فراقهم اعطوني
على كم جرح كم كلمه كم طعنه وكم قوله
وراحوا بس مدري نسوني او تناسوني
نعم مالت على حظي ردي واستاهل جنوني
لاني طحت في بعض القلوب الغير مسؤوله
لمن لا يعتبر عبره يجي ويشوف وشلوني
عباره عن جسد ميت وفيه اعضاء مشلوله
تعودت انصدم بالذات ممن هم يحبوني
وانا ماعندي استعداد اجرب واخسر الجوله
على كثر الوجيه اللي تمر الحين بعيوني
احس الناس بالنسبه لمثلي ناس مجهوله
باعيش بدونهم عادي مثل ما عاشوا بدوني
وذي كلمه على لساني هي للقلب مقيوله
ما دام الهوى طعنه وشفت طعونك طعوني
تطمن حيل ياقلبي انا ماعادني حوله
وما دام كثير يحبوني وجت فتره وخلوني
اجل بطلب وشهوله احب بالله وشهوله
مما راق لي (منقوول)
الأحد مايو 29, 2011 4:08 pm